ZŠA pradstavili jeŭrapiejskim krainam prapanovy nakont viartańnia Rasii ŭ suśvietnuju ekanomiku
Złučanyja Štaty pradstavili jeŭrapiejskim krainam prapanovy nakont viartańnia Rasii ŭ suśvietnuju ekanomiku i adnaŭleńnia rasijskich pastavak enierhanośbitaŭ u Zachodniuju Jeŭropu ŭ ramkach urehulavańnia kanfliktu va Ukrainie, paviedamlaje hazieta The Wall Street Journal sa spasyłkaj na dźvie krynicy.
Bieły dom. Fota: Walter Bibikov / Getty Images
U materyjale havorycca, što apošnija tydni administracyja prezidenta ZŠA Donalda Trampa pradstaviła jeŭrapiejskim kaleham šerah dakumientaŭ, u jakich vykładzienaje jaje bačańnie adnaŭleńnia Ukrainy i viartańnia Rasii ŭ suśvietnuju ekanomiku paśla zakančeńnia kanfliktu.
Płan ZŠA praduhledžvaje, što amierykanskija kampanii buduć «inviestavać u stratehičnyja siektary — ad redkaziamielnych mietałaŭ da śvidravańnia naftavych śvidravin u Arktycy».