Vyjšaŭ zbornik vieršaŭ dla dziaciej ad Julii Vieramiej
U vydaviectvie «Januškievič» pabačyŭ śviet zbornik Julii Vieramiej «Śniežnaja fieja». Vydaŭcy pierakananyja, što kniha ź dziciačymi vieršami moža stać vydatnym padarunkam napiaredadni śviataŭ, piša bellit.info.
«Śniežnaja fieja» — heta ŭtulnaje padarožža ŭ zimovy śviet, dzie žyvuć siabroŭstva, dabrynia i cudy.
Julija Vieramiej — paetka, pierakładčyca i apantanaja daśledčyca dziciačaha śvietu. Skončyła Minski dziaržaŭny linhvistyčny ŭniviersitet, atrymała stupień mahistra ŭ Hamburhskim univiersitecie. Vałodaje šaściu movami. Stvaraje aryhinalnyja dziciačyja vieršy — vieršy-azbuki, vieršy-šyfry i vieršy-malunki, poŭnyja fantazii, dabryni i hulni słoŭ.
Azdobiła knihu Julija Astrejka — mastačka, jakaja stvaraje jarkija ilustracyi dla dziciačych knih, supracoŭničaje ź piśmieńnikami ź Jeŭropy dy Aŭstralii. U 2025 hodzie pradstaŭlała svaje pracy dla vydaviectvaŭ na mižnarodnaj vystavie ŭ Bałońni.
Knihu ŭžo možna zamović praz sajt Knihauka.com, a taksama kupić u kniharni ŭ Varšavie.