Ukrainski pastajanny pradstaŭnik u AAN, adkazvajučy rasijskaj delehacyi, dziela niekalkich słovaŭ pierajšoŭ na rasijskuju movu
Padčas pasiadžeńnia Rady Biaśpieki AAN pastajanny pradstaŭnik RF Vasil Niabienzia zajaviŭ, što Rasija dabjecca mety «SVA» ŭ lubym vypadku. Ukrainski pradstaŭnik Andrej Mielnik jamu adkazaŭ.
Andrej Mielnik. Fota: Michael Kappeler / picture alliance via Getty Images
Pastajanny pradstaŭnik RF pry AAN Vasil Niabienzia zajaviŭ, što Rasija raźličvaje na dypłamatyju ŭ dasiahnieńni svaich metaŭ va Ukrainie, adnak hetamu scenaru pieraškadžajuć «jeŭrapiejskija jastraby».
— Dumaju, siońnia ni ŭ kaho ŭžo niama sumnieńniaŭ u tym, što Rasija dabjecca mety «SVA» ŭ lubym vypadku. Pytańnie tolki ŭ tym, ci adbudziecca heta vajennym ci dypłamatyčnym šlacham, — zajaviŭ jon padčas pasiadžeńnia Rady Biaśpieki AAN.
Ukrainski pastajanny pradstaŭnik Andrej Mielnik, kamientujučy mahčymyja płany, jakija praduhledžvajuć vyvad ukrainskich vojskaŭ z Danbasa, pierajšoŭ u adkazie na rasijskuju movu:
«My nie na kaladnym kirmašy. My nie na sumna viadomym Čarkizaŭskim rynku. Rasija choča, kab Ukraina kapitulavała. Ale voś moj adkaz: dzirku ad abaranka atrymajecie, a nie Ukrainu!»
Pasiadžeńnie Rady Biaśpieki AAN, jakoje adbyłosia 9 śniežnia, było pryśviečana ŭzmacnieńniu abstrełaŭ hramadzianskaha nasielnictva i infrastruktury Ukrainy.