«My sami z usim raźbiaromsia». Cichanoŭskuju spytali pra siamiejnaje žyćcio i skandał vakoł muža

Lidarka demakratyčnych sił Śviatłana Cichanoŭskaja prakamientavała Deutsche Welle situacyju vakoł svajho muža Siarhieja Cichanoŭskaha, siarod inšaha, navinu pra jaho adjezd u Amieryku i dalejšaje siamiejnaje žyćcio.

Fota: Getty Images

Cichanoŭskaja kaža, što važna razumieć, kamu vyhadnaja takaja situacyja. Jana padkreśliła, što ich siamja i kamanda zmohuć spravicca z prablemami samastojna.

«My ž pavinny razumieć, što toje, što adbyvajecca ŭ publičnaj prastory i doma, — heta zusim roznyja rečy. Ja razumieju i taki abvostrany traŭmatyzm Siarhieja, i, mahčyma, niejkija zanadta vostryja reakcyi na niejkija padziei. Siarhiej piać hadoŭ pravioŭ u turmie, i ja staŭlusia da hetaha ź vialikim razumieńniem. Usie my robim pamyłki, i samaje hałoŭnaje, kab potym analizavać, što było zroblena nie tak, i kamu heta na ruku, kali hetyja dyskusii vynosiacca ŭ publičnuju prastoru i tak absmoktvajucca z usich bakoŭ. Mnie, naprykład, heta nie treba. Mienavita tamu ja nie chadžu i nie kamientuju. My sami z usim raźbiaromsia», — skazała jana.

Kamientary da artykuła