Machlary abduryli 87‑hadovuju piensijanierku na 100 tysiač rubloŭ
U Pieršamajskaje RUUS Minska źviarnułasia 87‑hadovaja žycharka stalicy i paskardziłasia na toje, što machlary padmanam vyciahnuli ź jaje vialikuju sumu hrošaj.
Zdymak ilustracyjny. Fota: «Naša Niva»
Spačatku žančynie patelefanavali nibyta rabotniki «Biełtelekamu» i pad vyhladam padaŭžeńnia damovy vypytali pašpartnyja źviestki. Praź niekatory čas žančynie pazvaniŭ čałaviek, jaki nazvaŭsia supracoŭnikam siłavych struktur. Jon paviedamiŭ, što jana nibyta raniej razmaŭlała z machlarami, a ciapier ad jaje imia nibyta pravodziacca niezakonnyja finansavyja apieracyi.
Hety «siłavik» napałochaŭ piensijanierku mahčymym kryminalnym pieraśledam. Paśla jašče adzin zvanok — užo ad «bankaŭskaha rabotnika», jaki zapeŭniŭ, što kab paźbiehnuć adkaznaści, treba nibyta «zadekłaravać» usie źbieražeńni. Jon pierakanaŭ žančynu pieradać hrošy kurjeru, abiacajučy, što ŭsio budzie viernutaje.
U vyniku minčanka addała bolš za 100 tysiač rubloŭ u ekvivalencie. Paśla atrymańnia hrošaj «kurjer» źnik, i suviaź ź imi pierapyniłasia.
Pavodle faktu machlarstva raspačataja kryminalnaja sprava.
Čytajcie taksama:
Minčuk prajšoŭ test dla pracy ŭ Narviehii i straciŭ 2400 rubloŭ
Mininfarm raić biełarusam nie vysyłać YouTube dakumienty dla pravierki ŭzrostu
17‑hadovy padletak addaŭ machlaram usie hrošy baćkoŭ
Bieraściejec nieaściarožnym klikam pa liście z škodnasnym fajłam paralizavaŭ pracu kampanii