U novym Nacyjanalnym histaryčnym muziei pačalisia azdobnyja pracy, apošni viežavy kran źniali
Da budaŭnictva Nacyjanalnaha histaryčnaha muzieja ŭ Minsku prystupili ŭ sakaviku. Budaŭniki ŭziali vysoki temp: siońnia telehram-kanał «Minskbud» paviedamiŭ, što ź placoŭki adjazdžaje apošni viežavy kran.
Kala 340 čałaviek prystupili da azdobnych rabot. Pierad muziejem taksama źjavilisia budaŭničyja ryštavańni. Tam płanujuć zrabić zaprašalny ŭvachodny partał, jaki nahadvaje busła, što łunaje ŭ niebie.
Budaŭnictva Nacyjanalnaha histaryčnaha muzieja pierachodzić u stadyju azdobnych rabot. Bolšaja častka rabotnikaŭ zaniataja ŭnutry budynka. Prakładvajucca słabatočnyja sistemy, sistemy kandycyjanavańnia, pažaratušeńnia. U ekspazicyjnych załach prystupili da mantažu ŭnutranych pieraharodak: na troch pavierchach karkasy ŭžo hatovyja — idzie abšyŭka hipsakardonam.
Napałovu vykananaje ŭciapleńnie budynka, jaho ablicoŭvajuć kieramahranitam i mantujuć vitražy. Viaducca taksama dachavyja raboty.