Sačeńnia stanie jašče bolš: na minskich damach ustalujuć 20 tysiač videakamier
Minskaja haradskaja žyllovaja haspadarka da kanca da kanca 2026 hoda pastavić 20 000 videakamier na šmatkvaternych damach stalicy, pra što paviedamiła hienieralny dyrektar abjadnańnia Maryna Tołścik, pišuć «Minsk-Naviny».
Kamiery raźmieściać na dvarovaj terytoryi, kala dziciačych placovak, padjezdaŭ i piešachodnych zon.
Asnoŭnaja meta sistemy, śćviardžaje Tołścik, — kantrol za jakaściu i abjomami vykananych rabot kamunalnymi słužbami, što dapamoža apieratyŭna vyjaŭlać takija prablemy, jak razburanyja ściežki, pałamanyja śmietniki ci brudnyja padjezdy.
Ustanoŭka kamier adnosicca da dadatkovych žyllova-kamunalnych pasłuh i patrabuje zaklučanaha dahavora sa spažyŭcom. Pry hetym zakanadaŭstvam praduhledžana prava na admovu dla tych žycharoŭ, chto nie zhodny na pradastaŭleńnie hetaj pasłuhi.