Сачэння стане яшчэ больш: на мінскіх дамах усталююць 20 тысяч відэакамер
Мінская гарадская жыллёвая гаспадарка да канца да канца 2026 года паставіць 20 000 відэакамер на шматкватэрных дамах сталіцы, пра што паведаміла генеральны дырэктар аб'яднання Марына Толсцік, пішуць «Мінск-Навіны».
Камеры размесцяць на дваровай тэрыторыі, каля дзіцячых пляцовак, пад'ездаў і пешаходных зон.
Асноўная мэта сістэмы, сцвярджае Толсцік, — кантроль за якасцю і аб'ёмамі выкананых работ камунальнымі службамі, што дапаможа аператыўна выяўляць такія праблемы, як разбураныя сцежкі, паламаныя сметнікі ці брудныя пад'езды.
Устаноўка камер адносіцца да дадатковых жыллёва-камунальных паслуг і патрабуе заключанага дагавора са спажыўцом. Пры гэтым заканадаўствам прадугледжана права на адмову для тых жыхароў, хто не згодны на прадастаўленне гэтай паслугі.