Kamunalniki raskazali, kali ŭ minskich damach adklučać vodanahravalnyja kałonki
Pra płany likvidacyi hazavych vodanahravalnych kałonak i pieravodzie abstalavanych imi damoŭ na inšyja krynicy haračaha vodazabieśpiačeńnia ŭ efiry prahramy «Hovorit i pokazyvajet Minsk» na «Radyjo-Minsk» raskazała hienieralnaja dyrektarka «Minskaj haradskoj žyllovaj haspadarki» Maryna Toŭścik, pišuć «Minsk-Naviny».
Zdymak ilustracyjny. Fota: BiełTA
«U Minsku na absłuhoŭvańni pradpryjemstvaŭ žyllova-kamunalnaj haspadarki znachodzicca bolš za 4 500 žyłych damoŭ. A kali dadać da hetaj ličby jašče i tavarystva ŭłaśnikaŭ, to žyłych budynkaŭ budzie kala 7 000. Hazavymi vodanahravalnikami ź ich abstalavanyja kala 520. U pryncypie, heta niašmat, ale takija damy isnujuć.
Tamu, pačynajučy z 2024 hoda, pry praviadzieńni kapitalnych ramontaŭ my razam z enierhietykami razhladajem mahčymaść ich pieravodu na elektryčnaje albo centralizavanaje haračaje vodazabieśpiačeńnie. Užo jość paśpiachova realizavanyja prajekty, i ŭ prahramu na 2026‑2030 hady ŭklučana jašče kala 60 damoŭ.
Tut treba ŭličvać šmat techničnych momantaŭ, u tym liku pavieličeńnie nahruzki na enierhasistemu, ale my ruchajemsia ŭ hetym kirunku i razumiejem, što hetyja kroki — pravilnyja, pakolki ludzi pavinny žyć z sučasnymi vyhodami», — skazała Maryna Toŭścik.
Čytajcie taksama:
Minčanka: «Žyroŭka pryjšła na 240 rubloŭ, choć ja pracuju. Akazałasia, heta z-za kvataranta»
Śnieh kala mašyny treba prybirać na adlehłaść adnaho mietra, inakš štraf
Minčuk atrymaŭ žyroŭku na 1600 rubloŭ, usia prablema ŭ vadzie