Pastaŭki biełaruskaha bienzinu ŭ Rasiju dalej rastuć
Prodažy biełaruskaha bienzinu na Pieciarburžskaj mižnarodnaj tavarna-syravinnaj biržy istotna vyraśli: za pieršyja piać dzion śniežnia jany padskočyli bolš jak u vosiem razoŭ, čym u toj ža pieryjad letaś. Pra heta paviedamlaje Nacyjanalnaje biržavoje cenavaje ahientstva Rasii, piša «Moskovskij komsomolec».
Zdymak ilustracyjny. Fota: «Naša Niva»
Za nazvany čas biełaruskija NPZ pradajuć 5,04 tysiačy ton bienzinu. Choć ciaham tydnia abjomy tarhoŭ pastupova źnižalisia, ahulny vynik usio adno značna pierasiahnuŭ minułahodni ŭzrovień.
Ekśpierty miarkujuć, što cikavaść da biełaruskaha bienzinu moža być źviazanaja jak z cenavymi čyńnikami, tak i z aktyŭnaściu rasijskich trejdaraŭ na fonie niestabilnych pastavak unutry krainy. Adnak aficyjnyja pradstaŭniki rynku pakul nie kamientujuć pryčyny takoha značnaha rostu.
Raniej paviedamlałasia, što ŭ kastryčniku prodažy biełaruskaha bienzinu na rasiejskaj biržy vyzrasli ŭ 47 razoŭ u paraŭnańni ź minułym hodam i skłali 36,48 tysiačy ton. Za 19 dzion listapada było pradadziena 21,72 tysiačy ton, što ŭ siem razoŭ bolš, čym za toj ža pieryjad 2024 hoda.
Čytajcie taksama:
Biełaruski bienzin chłynuŭ u Rasiju: biržavyja pastaŭki rastuć rekordnymi tempami
Jak źmienicca košt aŭtamabilnaha paliva ŭ 2026 hodzie?
Pastaŭki biełaruskaha bienzinu ŭ Rasiju čyhunkaj u vieraśni ŭzraśli ŭ čatyry razy