«Aaaaa! Pajšoŭ na ch#r!» Biełarus u Brazilii sustreŭsia ź jahuaram i staŭ miascovaj zorkaj
Biełarus Siarhiej Buzo z pačatku 2021 hoda padarožničaje na rovary pa Brazilii. Ciapier jon u pajezdcy pa apošnich piaci štatach u Amazonii.
Siarhiej ratujecca ad jahuara
Tam jon i sustreŭsia ź jahuaram na šašy BR-319. Incydent jon źniaŭ na videa, jakoje stała virusnym u Brazilii, piša Reform.news.
Pra Siarhieja časta pišuć biełaruskija miedyja. Heta nie pieršaje jaho padarožža na rovary — u 2018‑m jon užo prajechaŭ usiu Japoniju.
Niadaŭna, kali biełarus jechaŭ pa šašy BR-319 u hłybini Amazonii, jamu nasustrač vyskačyŭ jahuar i pačaŭ jaho pieraśledavać.
Na kadrach vidać, što Sierž nie zapanikavaŭ, a pasprabavaŭ adpudzić źviera krykam i charakternymi maciernymi frazami. U rukach u jaho byŭ vielizarny ciesak. Ale jahuara heta nie spyniła, i drapiežnaja žyviolina nakiravałasia ŭ bok padarožnika. Sieržu daviałosia ratavacca ŭciokami na rovary. Uvieś hety čas jon vioŭ zdymku.
Svaje pryhody jon vykłaŭ u błohu ŭ Instagram i zabiaśpiečyŭ kamientaryjem na partuhalskaj.
Miascovyja ŚMI źviarnuli ŭvahu na incydent. U svaich materyjałach miedyja nazyvali Siarhieja «ruskim», ale bieła-čyrvona-bieły ściažok na rovary nie pakidaje sumnievu — na kadrach biełarus.
Uvaha, nienarmatyŭnaja leksika.