U Žłobinie ajčym katavaŭ pasynka vostrym piercam
Namieśnik načalnika ŭpraŭleńnia Śledčaha kamiteta pa Homielskaj vobłaści Dźmitryj Ściapančykaŭ raskazaŭ BiełTA, što ŭ Žłobinie ajčym zasypaŭ čyrvony pierac u rot i pad pavieki svajmu 9‑hadovamu pasynku, kab toj pryznaŭsia ŭ kradziažy.
Fota ilustracyjnaje
Padazrajučy dzicia ŭ kradziažy kašalka ŭ maci, ajčym spačatku pavaliŭ jaho na łožak, a zatym «starejšaha chłopčyka prymusiŭ utrymlivać brata».
«Dziejničajučy z asablivaj žorstkaściu, zasypaŭ pasynku ŭ rot čyrvony vostry pierac. Na praciahu katavańnia zasypaŭ pierac pad pavieki abodvuch vačej dziciaci, pryčyniajučy asablivyja fizičnyja i psichičnyja pakuty», — raskazaŭ pradstaŭnik Śledčaha kamiteta.
Maci chłopčyka była ŭ momant katavańniaŭ u susiednim pakoi i nie reahavała na toje, što rabiłasia ŭ domie.
U vyniku rašeńniem Žłobinskaha rajvykankama chłopčyka zabrali ź siamji, jon ciapier znachodzicca ŭ pryjomnych baćkoŭ. Dziejańni ajčyma kvalifikavanyja jak katavańnie, ździejśnienaje ŭ dačynieńni da zaviedama niepaŭnaletniaha, jaki znachodzicca ŭ zaležnym stanoviščy, a taksama jak uciahvańnie zaviedama niepaŭnaletniaha ŭ ździajśnieńnie złačynstva.
Sprava mužčyny ŭžo nakiravanaja ŭ sud.
Čytajcie taksama:
U Čašnickim rajonie mužčyna katavaŭ žonku brata i pahražaŭ jaje zabić
U Šumilinie maci sama dałučyła 16‑hadovuju dačku da prastytucyi
Pažyły mužčyna žorstka zabiŭ kata svajoj sužycielki
14‑hadovuju školnicu zatrymali za raspaŭsiud narkotykaŭ, joj pahražaje da 20 hadoŭ