Na aŭkcyjon vystavili vahon ź biznes-sałonam i spalniaj

U Biełarusi na aŭkcyjon vystavili redki čyhunačny vahon, pierarobleny ŭ biznes-sałon sa spalnym adsiekam. Łot raźmieščany na płatformie «IPM-Tarhi».

Fota: ipmtorgi.by

Startavaja cana łota — 310 tysiač dalaraŭ, ale z kamisijami i abaviazkovymi płaciažami ahulnaja suma pierasiahnie 335,5 tysiačy. Pakupnik taksama pavinien budzie zapłacić 3% kamisii arhanizataru i 400 rubloŭ za arhanizacyjnyja vydatki.

Vahon — niamieckaj madeli Ammendorf, jaki pieršapačatkova byŭ zvyčajnym kupejnym, ale nieadnarazova prachodziŭ hłybokuju madernizacyju. U 2010 i 2021 hadach jaho kapitalna ramantavali ŭ Ryzie, u 2024‑m — u Homieli. Novyja cialežki byli vyrablenyja ŭ Ćviary. Termin ekspłuatacyi pavodle techničnaj markiroŭki padoŭžany da studzienia 2025 hoda.

Fota: ipmtorgi.by

U vyniku pieraabstalavańnia častka vahona stała prastornym kupe z šyrokimi łožkami i televizaram, ale asnoŭnaja častka pieratvoranaja ŭ biznes-sałon ź vialikim kanapavym kutkom, pracoŭnym stałom, dvuma kresłami i televizaram. Ustalavanyja sučasnaje aśviatleńnie i šmat razietak.

Fota: ipmtorgi.by

Na hety momant vahon prypisany da stancyi Minsk-Pasažyrski. Arhanizatar tarhoŭ — ekśpiedytarskaja kampanija «Ruzekśpiedycyja». Aŭkcyjon adbudziecca 6 studzienia 2026 hoda.

Kamientary da artykuła