Na stendach «Ich šukaje milicyja» źjaviłasia fota Marharyty Laŭčuk

Pra toje, što fota Marharyty Laŭčuk ciapier možna pabačyć na stendach «Ich šukaje milicyja» ŭ Biełarusi, paviedamiła sama śpiavačka na svajoj staroncy ŭ instahramie.

Marharyta Laŭčuk. Fota Ofisa Śviatłany Cichanoŭskaj

Laŭčuk adznačyła, što jana nie tolki nikoli nie žyła pa adrasie, jaki paznačany ŭ aryjenciroŭcy, ale navat nie viedaje, dzie jon znachodzicca. Da taho ž u bazie paznačanaja niapravilnaja data jaje naradžeńnia.

Fota: instagram.com/margarita.levchuk.official

U červieni 2024 hoda Marharytu Laŭčuk zavočna asudzili na 6 hadoŭ pazbaŭleńnia voli.

Fota: instagram.com/margarita.levchuk.official

Pravaabarončy centr «Viasna», prahladzieŭšy fota, jakoje vystaviła Laŭčuk, zaŭvažyŭ, što razam ź joj u hetaj aryjenciroŭcy jość taksama bresckija fihuranty «spravy karahodaŭ» Andrej i Palina Laško, jakija nibyta «ŭchilajucca ad adbyćcia pakarańnia na «chatniaj chimii»».

Akramia taho, šukajuć taksama byłoha palitviaźnia Jahora Prakapčuka i jaho maci Śviatłanu Prakapčuk. Jahora, jaki adbyŭ 4 hady, šukajuć pavodle artykuła 422 KK (uchileńnie ad previentyŭnaha nahladu), a jaho maci — pavodle artykuła 361‑4 KK («sadziejničańnie ekstremisckaj dziejnaści»).

Kamientary da artykuła