Top samych modnych biełaruskich mužčyn — vybar stylistki
Stylistka Vijoła Zamiroŭskaja ŭžo raspaviadała pra piać samych stylovych biełarusak. Mužčyny nie zastalisia abdzielenyja ŭvahaj — im błohierka pryśviaciła novy top.
Na fotakałažy: Illa Filipaviec i Mikita Kunicki
Pieršym u svaim topie biełarusaŭ-modnikaŭ, jakija ŭmiejuć vyłučycca z natoŭpu, Vijoła adznačyła kantent-mejkiera Illu Filipaŭca.
«Štohod jaho styl prasoŭvajecca na niekalki stupieniaŭ napierad pa adnoj prostaj pryčynie: jon admaŭlajecca ad mejnstrymnych rečaŭ i vybiraje toje, u čym jamu kamfortna».
Fota: instahram @ilyafiltih
U padborku trapiŭ i jašče adzin kantent-kreatar — Źmicier Piatroŭ, jaki jašče paru hod tamu vyhladaŭ nieprykmietna, ale praca nad stylem zrabiła ź jaho cukieračku.
Fota: instahram @dima.petroov
A voś juvielirny dyzajnier Mikita Kunicki, na dumku stylistki, pramoje ŭvasableńnie stylu «old money» (elehantny i strymany styl, što asacyjujecca z bahaćciem).
«Nijakich załatych huzikaŭ, tolki maksimalna nieznaročystyja spałučeńni, umieńnie ŭkaraniać luks i stylizacyja svaich ža praduktaŭ u vobrazach zasłuhoŭvajuć pavahi».
Fota: instahram: @mikitakunitsky
Z muzykaŭ stylistka adznačyła pop-artysta Mikitu Nkeeei, jaki svajoj źniešnaściu i mimikaj niečym nahadvaje Kurta Kabejna — jon atrymaŭ pryznańnie dziakujučy vajbu i ŭmieńniu kajfavać ad siabie samoha.
Fota: instahram @n.ooyo
A voś dyzajnier Siarhiej Viarynski raźbirajecca ŭ tym, što nazyvajecca vuličnym stylem.
Fota: instahram @sergeyverinski
«Jon pakazvaje, što vuličnaje adzieńnie — nie tolki dla padletkaŭ, u im taksama možna žyć svajo pryhožaje, pavolnaje žyćcio. A ŭsie hetyja savieckija adsyłki na brutalnym mužčynie — heta štości!» — nie chavaje zachapleńnia Vijoła.
U kamientarach da pasta ludzi dapoŭnili śpis stylistki i inšymi modnymi mužčynami ź Biełarusi. Tam znajšłosia miesca tatuiroŭščyku Źmitru Byčaku.
Niekatoryja pachvalili styl madeli Romy Piščały.
Čytajcie taksama:
Stylistka nazvała top-5 samych modnych biełarusak
Jak kambinavać rečy z nacyjanalnymi matyvami z sučasnymi? Idei ad modnych biełarusak i biełarusaŭ
Źjaviŭsia brend harsetaŭ u biełaruskim styli FOTAFAKT
Hościa śvieckaha viečara ŭ Minsku šakavała sukienkaj z hałavoj kazuli