U Litvie syšli z rejek pustyja hruzavyja vahony
U sieradu ŭdzień u Kiedajniajskim rajonie adbyłasia čyhunačnaja avaryja. Pavodle papiarednich danych, z rejek syšli try vahony hruzavoha ciahnika. Kampanija LTG zajaviła, što viadzie rasśledavańnie incydentu, jaki, vierahodna, byŭ vyklikany techničnymi pryčynami, piša LRT.
Maps.google.com
Kampanija LTG («Litoŭskija čyhunki») paviedamiła ŭ pres-relizie, što ŭ Datnuvie adbyłasia čyhunačnaja avaryja, u vyniku jakoj z rejek syšli pustyja vahony. Paciarpiełych niama.
Hrupa biaśpieki LTG u terminovym paradku vyjechała na miesca zdareńnia i budzie rasśledavać pryčyny. Viersija ab sabatažy vyklučajecca, pakul miarkujecca, što incydent adbyŭsia praz techničnyja pryčyny.
Ruch ciahnikoŭ pa maršrutach Vilnia — Šaŭlaj, Vilnia — Kłajpieda, Koŭna — Šaŭlaj i Šaŭlaj — Koŭna abmiežavany. Dla pasažyraŭ, jakija jechali pa hetych napramkach, zakazanyja aŭtobusy; pasadka ŭ ich budzie ažyćciaŭlacca ŭ Kiedajniaj. Pa acenkach, u suviazi z hetym buduć abmiežavany try pasažyrskija ciahniki.