Piaskoŭ: Pucin nie adchilaŭ mirnaha płana ZŠA
Pres-sakratar rasijskaha prezidenta Dźmitryj Piaskoŭ nazvaŭ niapravilnaj farmuloŭku ab tym, što Uładzimir Pucin na sustrečy z pasłańnikami prezidenta ZŠA Styvam Uitkafam i Džaredam Kušnieram adchiliŭ amierykanski płan urehulavańnia.
Fota: Contributor / Getty Images
«Reč u tym, što taki naŭprostavy abmien mierkavańniami adbyŭsia ŭčora pieršy raz, i, znoŭ ža, jak učora było skazana, niešta było pryniata, niešta było adznačana jak nieprymalnaje, i heta narmalny rabočy praces pošuku kampramisu», — zajaviŭ Piaskoŭ.
Piaskoŭ dadaŭ, što Kreml budzie prytrymlivacca «pryncypu cišyni» ŭ pierahavorach z ZŠA i ŭstrymajecca ad detalovych kamientaroŭ.
«My naŭmysna nie budziem ničoha dadavać, majem razumieńnie, što [čym] u bolšaj cišyni buduć vieścisia hetyja pieramovy, tym bolš praduktyŭnaści hetych pieramovaŭ», — skazaŭ Piaskoŭ.