Stali viadomyja padrabiaznaści kryminalnaj spravy ŭ dačynieńni da Vieramiejčyka i Hračychi
Hienprakuratura apublikavała pres-reliz ab prysudach, vyniesienych byłym bajcam Pałka Kalinoŭskaha Vasilu Vieramiejčyku i Vasilu Hrečychu. Vieramiejčyk byŭ asudžany na 13 hadoŭ kałonii, Hračycha na piać.
Kałaž: Spring96.org
Pavodle viersii śledstva, Vieramiejčyk «z sakavika pa kaniec červienia 2022 hoda ŭvachodziŭ u skład ekstremisckaha farmavańnia (złačynnaj arhanizacyi) «Połk Imia Kastusia Kalinoŭskaha». Zajmaŭ roznyja kirujučyja pasady ŭ adnym ź jaho padraździaleńniaŭ.
Paśla akazvaŭ sadziejničańnie ekstremisckaj dziejnaści i ŭvajšoŭ u skład ekstremisckich farmavańniaŭ «Kaardynacyjnaja rada» (III sklikańnia) i «Błok Prakopjeva-Jahorava». Staŭ udzielnikam zmovy z metaj zachopu dziaržaŭnaj ułady niekanstytucyjnym šlacham.
Jon ža nieadnarazova vykazvaŭ pahrozy fizičnym hvałtam i abrazy, u tym liku ŭ internecie, na adras słužbovych asob orhanaŭ prakuratury, unutranych spraŭ i sudździaŭ, a taksama publična abražaŭ Łukašenku».
Hrečycha, pavodle pres-relizu, byŭ asudžany za ŭdzieł va ŭzbrojenym kanflikcie biez upaŭnavažańnia dziaržavy svajoj hramadzianskaj prynaležnaści ŭ składzie złačynnaj arhanizacyi.
Nahadajem, što ŭ listapadzie stała viadoma pra prysud kalinoŭcu Maksimu Ralko, jakomu dali 10 hadoŭ kałonii.
Čytajcie taksama:
Vykradzienamu kalinoŭcu Vasilu Vieramiejčyku prysudzili 13 hadoŭ źniavoleńnia
Stali viadomyja padrabiaznaści taho, jak u Vjetnamie zatrymali Vieramiejčyka
Byłoha kalinoŭca Vasila Hračychu asudzili da piaci hadoŭ kałonii
Kalinoŭcu Maksimu Ralko, jaki nieviadoma jak apynuŭsia ŭ Biełarusi, prysudzili 10 hadoŭ kałonii