Biełarusaŭ evakujavali sa Šry-Łanki, dzie bušuje cykłon
Biełarusy byli siarod vyratavanych vajskoŭcami Indyi, što evakuiravali zamiežnikaŭ sa Šry-Łanki.
Fota: Indian Air Force
Vajenna-pavietranyja siły Indyi praviali apieracyju pa evakuacyi zamiežnych hramadzian sa Šry-Łanki, jakaja mocna paciarpieła ad trapičnaha cykłonu. Pavodle paviedamleńnia The Economic Times, siarod vyratavanych jość i hramadzianie Biełarusi.
Usiaho indyjskija VPS evakujavali 57 čałaviek, uklučna z 10 dziećmi, a taksama ciažarnymi žančynami i ciažkaparanienymi.
Šry-Łanka znachodzicca ŭ stanie nadzvyčajnaj situacyi paśla taho, jak trapičny cykłon «Dzitva» vyklikaŭ biesprecedentnyja pavodki i razburalnyja apoŭźni pa ŭsioj krainie. Na 3 śniežnia zahinułych naličvajecca bolš za 400 čałaviek, a kolkaść źnikłych bieź viestak pieravyšaje try sotni.