SBU vykryła brytanskaha instruktara, jaki špijoniŭ va Ukrainie na karyść Rasii. Ź jaho zbroi zabili Parubija

U 2024 hodzie Devid Katmar prybyŭ va Ukrainu jak instruktar, kab dapamahać u padrychtoŭcy vajskoŭcaŭ USU.

Fota: facebook.com/SecurSerUkraine

Kontrraźviedka SBU sumiesna z brytanskimi śpiecsłužbami ŭstanaviła, što hramadzianin Vialikabrytanii Ros Devid Katmar u 2024—2025 hadach vykonvaŭ zadańni rasijskich śpiecsłužbaŭ, paviedamlaje RBK-Ukraina.

Pavodle danych śledstva, zatrymany, vierahodna, zajmaŭsia raźviedvalna-dyviersijnaj dziejnaściu va Ukrainie. Jon aryštavany i znachodzicca pad vartaj.

U 2024 hodzie Katmar prybyŭ va Ukrainu jak instruktar, kab dapamahać u padrychtoŭcy vajskoŭcaŭ USU. Jon mieŭ bajavy dośvied, nabyty padčas słužby ŭ armii i ŭdziełu ŭ apieracyjach na Blizkim Uschodzie.

Surazmoŭca RBK-Ukraina taksama adznačyŭ, što, pa viersii śledstva, rasijskija śpiecsłužby pieradali Katmaru ahniastrelnuju zbroju i bojeprypasy dla ździajśnieńnia «metavych zabojstvaŭ» va Ukrainie.

U pryvatnaści, jość padstavy ličyć, što jon zavoziŭ i raźmiarkoŭvaŭ zbroju, ź jakoj byli zabityja Iryna Faryjon i Andrej Parubij.

Hramadskaha dziejača Irynu Faryjon zastrelili 21 lipienia 2024 hoda ŭ Lvovie. Jana z valizkaj čakała kala svajho doma taksi. Zabojca, 18‑hadovy chłopiec, padyšoŭ da jaje amal uščylnuju i zastreliŭ.

Eks-staršyniu Viarchoŭnaj Rady i eks-kamiendanta Majdana Andreja Parubija zastrelili 30 žniŭnia 2025 hoda ŭ Lvovie. Strałok byŭ apranuty jak kurjer słužby dastaŭki. Pavodle najaŭnaj infarmacyi, jon vykarystaŭ elektrarovar. Napadnik padyšoŭ da Parubija i vosiem razoŭ streliŭ u jaho, paśla čaho źjechaŭ ź miesca złačynstva.

Kamientary da artykuła