Carkva Šviecyi zaklikała svaje prychody bolš nie mieć spraŭ ź minskim Śviata-Jelisaviecinskim manastyrom

Carkva Šviecyi razasłała prychodam rekamiendacyju nie zaprašać manachiń Śviata-Jelisaviecinskaha manastyra ź Minska na svaje mierapryjemstvy. Pryčynaj stali paviedamleńni pra suviazi manastyra z rasijskaj dziaržavaj i padtrymku vajny suprać Ukrainy: u aficyjnym paviedamleńni havorycca pra «ščylnyja kantakty z HRU» i padparadkavańnie Maskoŭskamu patryjarchatu, piša «Chryścinskaja vizija».

Śviata-Jelisaviecinski manastyr na adnym z kirmašoŭ u Zachodniaj Jeŭropie. Fota ilustracyjnaje

Pavodle acenak Carkvy Šviecyi, ź minskimi manaškami supracoŭničali 10—20 prychodaŭ, kudy siostry pryjazdžali na advientnyja i kaladnyja kirmašy pradavać vyraby ručnoj raboty. Prychod Tebiu pad Stakholmam, u jakim manašak bačyli apošnim časam, užo prynios za heta prabačeńni i abviaściŭ pra razryŭ kantaktaŭ «na čas vajny».

Sami pradstaŭniki Śviata-Jelisaviecinskaha manastyra adkidajuć abvinavačvańni i śćviardžajuć, što vyručka z kirmašoŭ idzie nibyta tolki na dapamohu biednym i dohlad za pažyłymi ludźmi.

U kantekście hetaj dyskusii ministr mihracyi Šviecyi Juchan Forsiel zajaviŭ, što abmiarkuje ź mihracyjnaj słužbaj mahčymaść pierahladu pravił pražyvańnia ŭ krainie asob, źviazanych ź intaresami rasijskaj dziaržavy, padkreśliŭšy, što Šviecyja «nie abaviazanaja prajaŭlać haścinnaść da tych, chto padtrymlivaje rasijskuju ahresiju suprać Ukrainy».

Kamientary da artykuła