U Rasii masavy zboj u pracy «Alisy». Ad biełarusaŭ taksama jość skarhi

Bujny zboj adbyŭsia ŭ pracy servisaŭ «Jandeksa», u tym liku ŭ razumnych kałonak «Alisa». Pa danych servisaŭ manitorynhu, niepaładki zakranuli značnuju častku aŭdytoryi. Asnoŭnyja składanaści, ź jakimi sutyknulisia karystalniki, — admova servisu ŭ pracy, adsutnaść złučeńnia i niemahčymaść atrymać jakija-niebudź adkazy ad asistenta.

Fota ilustracyjnaje

Bolš za ŭsio skarhaŭ pastupiła ad uładalnikaŭ pryład na Android (53,1%). Na iOS pryjšłosia 39,8% zvarotaŭ, jašče 6% — ad karystalnikaŭ Windows.

Miarkujučy pa ŭsim, zboi «Alisy» zakranuli i biełaruskich karystalnikaŭ. Čytačka vydańnia «Anłajnier» raskazała, što ŭ jaje kvatery «źjechali z hłuzdu» dźvie najaŭnyja razumnyja kałonki. A mabilnaja prahrama vydaje bieły ekran jak na iOS, tak i na Android.

«Alisa» — virtualny hałasavy pamočnik ad «Jandeksa». Usiaredzinie sistemy ŭbudavany štučny intelekt, jaki raspaznaje naturalnuju havorku, imituje žyvy dyjałoh i daje adkazy na pytańni karystalnika. Z «Alisaj» možna mieć znosiny jak praź śpiecyjalnyja nośbity (razumnyja kałonki — «stancyi»), tak i ŭ internecie.

Kamientary da artykuła