Prarasijskamu žurnalistu, jaki ŭciok z Łatvii ŭ Biełaruś, dali status biežanca
Prarasijski žurnalist Juryj Alaksiejeŭ, jaki ŭ kastryčniku 2024 hoda ŭciok z Łatvii, paviedamiŭ, što atrymaŭ u Biełarusi status biežanca. Pra heta jon napisaŭ u fejsbuku i pakazaŭ paśviedčańnie biežanca razam z zahadam, padpisanym kiraŭnikom Departamienta pa hramadzianstvie i mihracyi Ivanam Novikavym, zaŭvažyŭ Reform.news.
U dakumiencie adznačajecca:
«Zahadvaju: dać Alaksiejevu Juryju, 1958 h. n., hramadzianinu Łatvijskaj Respubliki, status uciekača ŭ Respublicy Biełaruś u adpaviednaści z častkaj pieršaj artykuła 19 Zakona, pakolki zajaŭnik maje abhruntavanyja aściarohi stać achviaraj pieraśledu u dziaržavie hramadzianskaj prynaležnaści na padstavie jaho palityčnych pierakanańniaŭ i nie žadaje karystacca abaronaj hetaj dziaržavy».
Sam žurnalist nazvaŭ heta «padarunkam na dzień narodzinaŭ». Jamu spoŭniłasia 67 hadoŭ.
Juryj Alaksiejeŭ
Juryj Alaksiejeŭ u 2024 hodzie pakinuŭ Łatviju i pierajechaŭ u Biełaruś. Jon byŭ hałoŭnym redaktaram prarasijskaha sajta Imhoclub.lv, jaki łatvijskija śpiecsłužby nieadnarazova nazyvali instrumientam rasijskaha infarmacyjnaha ŭpłyvu. Alaksiejeŭ taksama fihuravaŭ u spravazdačach łatvijskaj Słužby dziaržaŭnaj biaśpieki jak prakramloŭski aktyvist.
U siabie na radzimie žurnalist byŭ asudžany za niezakonnaje zachoŭvańnie bojeprypasaŭ. Sud pryznačyŭ jamu hod i dva miesiacy pazbaŭleńnia voli i adzin hod prabacyjnaha nahladu, a taksama pastanaviŭ uziać jaho pad vartu.
Čytajcie taksama:
U Łatvii abjavili ŭ vyšuk prarasijskaha žurnalista, jaki ŭciok u Biełaruś
Samy viadomy prarasijski žurnalist Łatvii ŭciok u Biełaruś
Na łatvijskaha patrona Alaksieja Dziermana zaviali kryminalnuju spravu za raspalvańnie varažniečy
U Kosavie za «prarasijskuju dziejnaść» zatrymany stvaralnik Imhoclub'a