U pierachodnych matčach zhulaje «Smarhoń»
Siońnia prajšli šeść matčaŭ zaklučnaha 30‑ha tura čempijanatu Biełarusi pa futbole ŭ vyšejšaj lizie.
Fota FK «Smarhoń»
Čempijonam u minułym tury staŭ debiutant vyšejšaj lihi «MŁ Viciebsk», srebra ŭ minskaha «Dynama» (jany siońnia pamiž saboj zhulali ŭničyju — 1:1), bronza ŭ mazyrskaj «Słavii».
Pakidajuć vyšejšy dyvizijon «Maładziečna» i «Słuck».
Siońnia vyznačałasia, chto zojmie 14‑ie miesca i zhulaje ŭ pierachodnych matčach z «Biełšynaj», što finišavała treciaj u pieršaj lizie. Pramyja pucioŭki ŭ vyšejšuju lihu zavajavali «Baranavičy» i mahiloŭski «Dniapro».
Na 14‑ie miesca «pretendavali» «Smarhoń», «Naftan» i «Viciebsk».
«Naftan» pieramoh dziaržynski «Arsienał» 2:0, «Smarhoń» prajhrała «Homielu» 1:3, a «Viciebsk» mazyrskaj «Słavii» 0:3.
Usie kamandy nabrali pa 28 bałaŭ, ale za košt asabistych sustreč nižej akazałasia «Smarhoń», jakaja i adpraŭlajecca ŭ stykavyja matčy.
Zaŭtra buduć zhulanyja dźvie astatnija sustrečy: BATE — FK «Minsk» i «Tarpieda-BiełAZ» — «Maładziečna».