BIEŁ Ł RUS

Tramp anulavaŭ bolšaść dakumientaŭ, padpisanych Džo Bajdenam

29.11.2025 / 2:32

Nashaniva.com

Prezident ZŠA Donald Tramp abviaściŭ u sacyjalnaj sietcy Truth Social, što pryznaje niesapraŭdnymi ŭsie ŭkazy i dakumienty, padpisanyja svaim papiarednikam Džo Bajdenam z dapamohaj aŭtapena — pryłady dla aŭtamatyčnaha podpisu.

Pa rasparadžeńni Trampa raniej u Biełym domie ŭ partretnaj halerei prezidentaŭ ZŠA zamiest partreta Džo Bajdena paviesili partret ź jahonym podpisam, zroblenym aŭtapenam. Fota: P Photo/Jose Luis Magana

«Luby dakumient, padpisany «sonnym Džo Bajdenam» z dapamohaj aŭtapena, a heta prykładna 92% dakumientaŭ, admianiajecca i hublaje siłu», — napisaŭ Tramp.

Jon abviaściŭ, što aŭtapodpis nie moža vykarystoŭvacca bieź śpiecyjalnaha dazvołu prezidenta ZŠA.

«Hetym ja admianiaju ŭsie vykanaŭčyja zahady i ŭsio astatniaje, što nie było niepasredna padpisana Džo Bajdenam, pakolki ludzi, jakija kiravali aŭtapenam, zrabili heta niezakonna. Džo Bajden nie braŭ udziełu ŭ pracesie vykarystańnia aŭtapena, a kali jon skaža, što braŭ, jaho pryciahnuć da adkaznaści za chłuślivyja pakazańni».

Čytajcie taksama:

Aŭtapen zamiest partreta. U Biełym domie vytančana paździekavalisia z Džo Bajdena

Džo Bajden zaviaršyŭ kurs pramianiovaj terapii

Džo Bajden paśla zakančeńnia prezidenctva pieražyvaje finansavyja prablemy

Džo Bajden pradaŭ pravy na svaje budučyja miemuary za $10 miljonaŭ

Kamientary da artykuła