Трамп ануляваў большасць дакументаў, падпісаных Джо Байдэнам
Прэзідэнт ЗША Дональд Трамп абвясціў у сацыяльнай сетцы Truth Social, што прызнае несапраўднымі ўсе ўказы і дакументы, падпісаныя сваім папярэднікам Джо Байдэнам з дапамогай аўтапэна — прылады для аўтаматычнага подпісу.
Па распараджэнні Трампа раней у Белым доме ў партрэтнай галерэі прэзідэнтаў ЗША замест партрэта Джо Байдэна павесілі партрэт з ягоным подпісам, зробленым аўтапэнам. Фота: P Photo/Jose Luis Magana
«Любы дакумент, падпісаны «сонным Джо Байдэнам» з дапамогай аўтапэна, а гэта прыкладна 92% дакументаў, адмяняецца і губляе сілу», — напісаў Трамп.
Ён абвясціў, што аўтаподпіс не можа выкарыстоўвацца без спецыяльнага дазволу прэзідэнта ЗША.
«Гэтым я адмяняю ўсе выканаўчыя загады і ўсё астатняе, што не было непасрэдна падпісана Джо Байдэнам, паколькі людзі, якія кіравалі аўтапэнам, зрабілі гэта незаконна. Джо Байдэн не браў удзелу ў працэсе выкарыстання аўтапэна, а калі ён скажа, што браў, яго прыцягнуць да адказнасці за хлуслівыя паказанні».
Чытайце таксама:
Аўтапэн замест партрэта. У Белым доме вытанчана паздзекаваліся з Джо Байдэна
Джо Байдэн завяршыў курс прамянёвай тэрапіі
Джо Байдэн пасля заканчэння прэзідэнцтва перажывае фінансавыя праблемы
Джо Байдэн прадаў правы на свае будучыя мемуары за $10 мільёнаў