Kiraŭnik Pamiežnaj słužby Litvy: Prablemu pavietranych šaroŭ ź Biełarusi zanadta raździmajuć
Kiraŭnik Pamiežnaj słužby Litvy Rustam Lubajeŭ ličyć, što prablemu kantrabandnych pavietranych šaroŭ z boku Biełarusi apošnim časam zanadta raździmajuć. Jon padkreślivaje: takija mietearałahičnyja šary sapraŭdy mohuć stvarać niebiaśpieku, asabliva ŭ pavietranaj prastory kala aeraportaŭ, ale heta tolki adzin z mnohich sposabaŭ kantrabandy, piša Delfi.lt.
Fota: State Border Guard Service via AP, File
Pa słovach Rustama Lubajeva, kali hladzieć na ahulnuju situacyju ŭ krainie, składajecca ŭražańnie, što mienavita hetamu adnamu mietadu nadajuć praźmierna šmat uvahi, zabyvajučy pra inšyja šlachi traplańnia kantrabandy ŭ Litvu i jaje ahulnyja abjomy. Jon taksama ličyć, što ažyjataž vakoł šaroŭ idzie na karyść režymu Łukašenki i źjaŭlajecca častkaj hibrydnych dziejańniaŭ Minska.
Raniej urad Litvy časova zakryvaŭ miažu praz aktyvizacyju zapusku kantrabandnych šaroŭ. Za apošni čas jany niekalki razoŭ vyklikali zboi ŭ pracy litoŭskich aeraportaŭ, u tym liku ŭ noč na niadzielu, kali Vilenski aeraport davodziłasia zakryvać dvojčy. Pytańnie hibrydnaj ataki z boku Biełarusi nieadnarazova razhladałasia na pasiadžeńniach Nacyjanalnaj kamisii biaśpieki i na roznych mižnarodnych uzroŭniach.
Čytajcie taksama:
MZS Litvy: Meta Minska — vyjści ź izalacyi
Ministr unutranych spraŭ Litvy pakul nie bačyć nieabchodnaści zakryvać miažu ź Biełaruśsiu
Naŭsieda: My možam znoŭ zakryć miažu ź Biełaruśsiu, ale biez dapamohi inšych nie damo rady