Nad minskim rynkam «Lebiadziny» pabudujuć 380‑mietrovy puciepravod
Dyrektar «Minskinžprajekta» Alaksiej Havarko raskazaŭ, što prosta nad rynkam «Lebiadziny» buduć budavać darožny abjekt, piša BiełTA.
Rynak «Lebiadziny». Fota: Jandeks Karty
«My miarkujem, što heta budzie 380‑mietrovaje pralotnaje zbudavańnie z žalezabietonnych zbornych kanstrukcyj, to-bok heta budzie davoli chutka. Paśla zaviaršeńnia ŭźviadzieńnia rabotniki rynku zmohuć viarnucca na svaje miescy. Puciepravod budzie ŭ ich nad hałavoj», — adznačyŭ Alaksiej Havarko.
Jon dadaŭ, što budaŭniki nie buduć «pierakopvać rynak upopapierak i rabić dźvie zony», a taksama ŭdakładniŭ, što padobnaje zbudavańnie dla hetaha rajona — nieabchodnaść.
«Puciepravod budujecca dla taho, kab zabiaśpiečyć bolš nadziejny transpartny patok dla ludziej, jakija ranicaj ci viečaram vyjazdžajuć abo zajazdžajuć z Frunzienskaha rajona na Minskuju kalcavuju darohu. U ich źjavicca bolš chutki maršrut ruchu», — udakładniŭ Havarko.
Čytajcie taksama:
U Minsku zakryli vulicu Masiukoŭščyna adrazu ažno na piać hadoŭ. Što tam adbyvajecca?
Budaŭnictva mosta kala «Lebiadzinaha» ŭ Minsku pačnuć sioleta