Chutka možna budzie pajechać bieź vizaŭ u Mjanmu
Alaksandr Łukašenka zaćvierdziŭ pakiet z troch mižuradavych pahadnieńniaŭ z Mjanmaj, paviedamlaje pres-słužba palityka. Centralnym i najbolš važnym dla hramadzian dakumientam stała pahadnieńnie ab uzajemnaj admienie viz.
KK Park — samaja bujnaja skam-fabryka Mjanmy. Fota: Lillian Suwanrumpha / AFP via X
Prajekt pahadnieńnia zamacoŭvaje mahčymaść dla hramadzian Biełarusi ŭjazdžać, vyjazdžać i ruchacca tranzitam pa terytoryi Mjanmy bieź viz pry ŭmovie, što praciahłaść ich znachodžańnia nie pieravyšaje 30 dzion z daty ŭjezdu (da 90 dzion na praciahu kalandarnaha hoda).
Taksama padrychtavany prajekt damovy ab supracoŭnictvie i ŭzajemnaj dapamozie ŭ mytnych spravach, jaki vyznačaje paradak uzajemadziejańnia adpaviednych orhanaŭ dźviuch krain.
Akramia taho, uchvaleny prajekt mižnarodnaj damovy ab likvidacyi dvajnoha padatkaabkładańnia i papiaredžvańni ŭchileńnia ad vypłaty padatkaŭ. Dakumient zamacoŭvaje pracedury padatkaabkładańnia i abmienu infarmacyjaj pamiž kampietentnymi orhanami Biełarusi i Mjanmy.
Čytajcie taksama:
Łukašenka skazaŭ, što palacić u Mjanmu i Ałžyr, a ŭ śniežni sustreniecca z amierykancami