Tramp: Płan pa Ukrainie skaraciŭsia z 28 da 22 punktaŭ
«Heta byŭ nie płan. Heta była kancepcyja», — skazaŭ prezident ZŠA.
Fota: Anna Moneymaker / Getty Images
Donald Tramp zajaviŭ, što mirny płan pa Ukrainie skaraciŭsia z 28 da 22 punktaŭ. Pra heta jon paviedamiŭ, razmaŭlajučy z žurnalistami na borcie prezidenckaha samalota Air Force One.
Žurnalisty paprasili Trampa prakamientavać zajavy niekatorych respublikancaŭ pra toje, što pieršapačatkovy płan z 28 punktaŭ byŭ zanadta «spryjalnym» dla Rasii.
«Heta byŭ nie płan. Heta była kancepcyja. I adtul jany ŭziali kožny z 28 punktaŭ, a zatym źviali da 22 punktaŭ. Pavodle mnohich ź ich było znojdzienaje rašeńnie, i nasamreč vielmi spryjalnaje. Pahladzim, što z hetaha vyjdzie», — skazaŭ Tramp.
Jon taksama zajaviŭ pra nieabchodnaść terytaryjalnych sastupak z boku Ukrainy, spasyłajučysia na prasoŭvańnie Rasii na froncie.
«Hladzicie, jak usio idzie: kali pahladzieć, usio ruchajecca ŭ adnym napramku na froncie. Tak što ŭ vyniku heta ziamla ŭ najbližejšyja niekalki miesiacaŭ moža i tak być zachoplena Rasijaj. Vy chočacie vajavać i stracić jašče 50—60 tysiač čałaviek? Ci chočacie zrabić niešta ciapier?» — skazaŭ prezident ZŠA.
Raniej paviedamlałasia, što pasłańnik prezidenta ZŠA Styŭ Uitkaf pryjedzie na nastupnym tydni ŭ Maskvu, kab sustrecca z Pucinym.