Łukašenka adpraŭlajecca ŭ praciahłaje zamiežnaje turne
Alaksandr Łukašenka 26 listapada nakirujecca z rabočym vizitam u Kyrhyzstan, dzie voźmie ŭdzieł u pasiadžeńni Savieta kalektyŭnaj biaśpieki Arhanizacyi Damovy ab kalektyŭnaj biaśpiecy, paviedamlaje jaho pres-słužba.
Fota: Sergei Bobylev, Sputnik, Kremlin Pool Photo via AP
Lidary krain na samicie ŭ Biškieku 27 listapada padviaduć vyniki dziejnaści ADKB u mižsiesijny pieryjad, razhledziać prablemy mižnarodnaj i rehijanalnaj biaśpieki. U svaim vystupleńni Alaksandr Łukašenka vykažacca pa aktualnych pytańniach harantavańnia kalektyŭnaj biaśpieki na jeŭrazijskaj prastory, akreślić napramki, jakija patrabujuć asablivaj uvahi partnioraŭ.
U liku dakumientaŭ, jakija treba budzie pryniać, — vynikovaja dekłaracyja Savieta kalektyŭnaj biaśpieki, rašeńni, što datyčać zabieśpiačeńnia dziejnaści arhanizacyi, umacavańnia supracoŭnictva ŭ supraćdziejańni niezakonnamu abarotu narkotykaŭ i niezakonnaj mihracyi.
Płanujecca, što ŭ Biškieku taksama adbudziecca dvuchbakovaja sustreča Alaksandra Łukašenki z Uładzimiram Pucinym.
Paśla vizitu ŭ Kyrhyzstan jon naviedaje šerah inšych krain. Hieahrafija achoplivaje Paŭdniova-Uschodniuju Aziju, Blizki Uschod i Paŭnočnuju Afryku.