Častku radyjacyjna niebiaśpiečnych terytoryj pierastanuć takimi ličyć
Urad Biełarusi pryniaŭ rašeńnie vyklučyć bolš jak 875 hiektaraŭ ziamli ŭ Vietkaŭskim, Žłobinskim i Čačerskim rajonach Homielskaj vobłaści sa śpisu radyjacyjna niebiaśpiečnych terytoryj. Pra heta śviedčyć dakumient, apublikavany na Pravo.by. Učastki płanujecca pieradać miascovym sielhaspradpryjemstvam.
Zdymak ilustracyjny. Fota: «Naša Niva»
Rajonnym vykankamam daručana ciaham miesiaca dakładna vyznačyć miežy hetych ziamiel i pieradać ich vaśmi sielskahaspadarčym arhanizacyjam. Adpaviednyja źmieny taksama pavinny być uniesienyja ŭ ziamielny kadastr.
Minsielhascharč budzie nazirać za tym, jak hetyja terytoryi vykarystoŭvajucca, uličvajučy zaklučeńnie śpiecyjalistaŭ. Usia pradukcyja, jakaja budzie vyroščvacca na novych učastkach, abaviazkova projdzie pravierku na ŭzrovień radyjacyjnaha zabrudžańnia.
U 2024 hodzie Ministerstva nadzvyčajnych situacyj paviedamlała, što na terytoryi Biełarusi jość kala 248,8 tysiač hiektaraŭ ziamiel, dzie vytvorčaść čystaj sielskahaspadarčaj pradukcyi niemahčymaja abo abmiežavanaja — z-za nastupstvaŭ avaryi na Čarnobylskaj AES. Na achoŭnyja mierapryjemstvy ŭ hetych rajonach Biełaruś štohod vydatkoŭvaje kala 150 miljonaŭ rubloŭ.
Čytajcie taksama:
Čarnobyl nie daje pra siabie zabyć. U hrybach ź Vietki radyjacyja pieravyšała normu ŭ 82 razy
Zahadka sinich sabak u Čarnobyli razhadanaja. Heta nie radyjacyja, žyviolinaŭ admysłova farbujuć