Na Słuččynie kiroŭcu paraniŭ mietaličny pradmiet, jaki vylecieŭ z-pad kołaŭ mašyny
U Słuckim rajonie ranicaj 25 listapada zafiksavana surjoznaje DTZ, u vyniku jakoha paciarpieła žančyna-kiroŭca. Pavodle danych DAI Minskaj vobłaści, zdareńnie adbyłosia prykładna ŭ 08:45 ranicy.
Fota: UDAI UUS Minabłvykankama
Žycharka Słuckaha rajona kiravała aŭtamašynaj Volkswagen Touareg i ruchałasia pa 368‑m kiłamietry aŭtadarohi R-43 «Miaža Rasii (Źviančatka) — Kryčaŭ — Babrujsk — Ivacevičy» ŭ napramku Słucka.
Pavodle papiaredniaj infarmacyi, pry sustrečnym raźjeździe ź inšym, pakul nie ŭstanoŭlenym transpartnym srodkam, z-pad jaho kołaŭ vylecieŭ niejki mietaličny pradmiet. Jon prabiŭ łabavoje škło Volkswagen i trapiŭ u sałon.
U vyniku ŭdaru 40‑hadovaja kiroŭca atrymała traŭmy. Jaje dastavili ŭ miedycynskuju ŭstanovu dla akazańnia dapamohi. Akaličnaści avaryi vyśviatlajucca, a aŭtamabil, z-pad kołaŭ jakoha moh vylecieć hety pradmiet, ciapier šukajuć.