Akazvajecca, z prezidyuma Usiebiełaruskaha schodu vyklučyli adnaho čałavieka. Za što jaho tak?
Pra kadravuju stratu ŭ składzie UNS hramadskaści stała viadoma ź siońniašniaha vystupleńnia Łukašenki na pasiadžeńni prezidyuma hetaj struktury.
Kanstancin Burak
«Pa-treciaje, Usiebiełaruskamu narodnamu schodu nieabchodna vyrašyć kadravyja pytańni. Tak, treba budzie abrać novaha člena Prezidyuma UNS zamiest vybyŭšaha. «U nas kampaktny Prezidyum, niepažadana, kab byli vakansii», — zaŭvažyŭ kiraŭnik dziaržavy», — piša BiełTA, raskazvajučy, jaki Łukašenka vyznačyŭ dla UNS dvuchdzionny paradak dnia.
Akazałasia, što nieabchodnaść u pieravybarach uźnikła ŭ suviazi z pryznačeńniem u krasaviku 2025 hoda pamočnikam Łukašenki — inśpiektaram pa Hrodzienskaj vobłaści Kanstancina Buraka, jaki dahetul byŭ adnym z 13‑ci členaŭ «kampaktnaha» prezidyuma UNS. Vidać, šalony abjom pracy ŭ hetym orhanie nie dazvalaje sumiaščać jaje ź niejkimi inšymi abaviazkami.
Praŭda, u prezidyum UNS Kanstancin Burak pryjšoŭ, budučy kiraŭnikom Aparata Savieta Ministraŭ. Pry hetym z pasady nie sychodziŭ, a ceły hod sumiaščaŭ jaje z pracaj va UNS. Vidać, u Aparacie Saŭmina praca nie vielmi napružanaja.
Čytajcie taksama:
Hałasavańnie za Łukašenku i Kosinca zrabili nie adnahałosnym
Łukašenka zrabiŭ niekalki pryznačeńniaŭ
«Heta biada». Łukašenka nazvaŭ samuju vialikuju niebiaśpieku dla UNS u budučyni