Umieraŭ: Kijeŭ i Vašynhton dasiahnuli «ahulnaha razumieńnia» pa klučavych umovach mirnaha płana
«Ciapier my raźličvajem na padtrymku našych jeŭrapiejskich partnioraŭ u dalejšych krokach», — zajaviŭ sakratar Rady nacyjanalnaj biaśpieki i abarony Ukrainy.
Andrej Jarmak, Uładzimir Zialenski i Rustem Umieraŭ. Fota: Zelenskiy/Offical Telegram Account/Anadolu via Getty Images
Ukrainskaja i amierykanskaja delehacyi dasiahnuli «ahulnaha razumieńnia» pa klučavych umovach pahadnieńnia ab spynieńni vajny, jakoje abmiarkoŭvałasia na pieramovach u Ženievie. Ab hetym napisaŭ u svaim fejsbuku paviedamiŭ sakratar Rady nacyjanalnaj biaśpieki abarony Ukrainy Rustem Umieraŭ.
«Ciapier my raźličvajem na padtrymku našych jeŭrapiejskich partnioraŭ u dalejšych krokach», — zajaviŭ jon.
Pa słovach Umierava, da kanca listapada płanujecca arhanizavać vizit prezidenta Ukrainy Uładzimira Zialenskaha ŭ ZŠA dla taho, kab abmierkavać finalnyja etapy pahadnieńnia i dasiahnuć damoŭlenaści z Donaldam Trampam.
«Ciapier my raźličvajem na padtrymku našych jeŭrapiejskich partnioraŭ u dalejšych krokach», — zajaviŭ jon.
Napiaredadni pres-sakratar Biełaha doma Karalin Levit zajaviła, što bolšaść punktaŭ płana ŭzhodnienyja, ale vizit Zialenskaha ŭ Vašynhton nie praduhledžvajecca.