Sietku Formosa Bubble Tea vystavili na prodaž. Cana ŭražvaje
Ułaśniki sietki ŭstanovaŭ Formosa Bubble Tea, jakaja pracuje ŭ Biełarusi bolš za piać hadoŭ, vyrašyli jaje pradać.
Fota: biz4y.com
U paviedamleńni, jakoje źjaviłasia na płatformie biz4y, havorycca, što prodaž nie źjaŭlajecca terminovym i što pradaŭcy šukajuć uładalnika, jaki zmoža praciahnuć i raźvić spravu, zaŭvažyŭ Office Life.
Siońnia ŭ sietcy Formosa Bubble Tea piać ŭstanoŭ. Zasnavalniki sietki adznačajuć, što ŭsie kropki znachodziacca ŭ najlepšych handlovych centrach — Dana Mall, Galileo, «Halereja» i Green City u Minsku i HC Trinity u Hrodnie.
Pry hetym paviedamlajecca, što biznes nie źjaŭlajecca franšyzaj, usie kropki prynosiać stabilny dachod i ŭ cełym sietka pracuje z prybytkam. Jość zapas inhredyjentaŭ na paŭhoda napierad, svoj transpart dla dastaŭki ŭsiaho nieabchodnaha.
Ciapier pra hałoŭnaje: suma, jakuju chočuć atrymać ciapierašnija ŭładalniki sietki, składaje $465,68 tys. Paviedamlajecca, što biznes pradajecca jak poŭnaściu pracoŭny — z kantaktami pastaŭščykoŭ, brendam, dziejučaj arendaj i navat z akaŭntami ŭ sacyjalnych sietkach.