Na skryžavańniach videakamiery pačali aŭtamatyčna fiksavać parušeńni aŭtamabilistaŭ. Štrafy taksama pryjduć aŭtamatyčna
Prajezdy na čyrvonaje śviatło albo nie pa toj pałasie na skryžavańniach pačali aŭtamatyčna fiksavać videakamiery. Ciapier za parušeńni buduć prychodzić «listy ščaścia». Kolkaść skryžavańniaŭ z takimi mahčymaściami buduć pavialičvać.
U Respublikanskuju sistemu manitorynhu hramadskaj biaśpieki ŭklučany novyja kamiery, jakija buduć aŭtamatyčna fiksavać prajezd na čyrvony sihnał śviatłafora i parušeńnie praviłaŭ ruchu pa pałosach, raspaviali ŭ MUS.
Parušalniki buduć aŭtamatyčna pryciahvacca da adkaznaści.
«List ščaścia» nakirujuć ułaśniku aŭtamabila poštaj. Ale taksama moža pryjści SMS-paviedamleńnie ab fakcie parušeńnia.
Apłacić štraf možna praź sistemu ARIP abo ŭ adździaleńni banka.