На скрыжаваннях відэакамеры пачалі аўтаматычна фіксаваць парушэнні аўтамабілістаў. Штрафы таксама прыйдуць аўтаматычна
Праезды на чырвонае святло альбо не па той паласе на скрыжаваннях пачалі аўтаматычна фіксаваць відэакамеры. Цяпер за парушэнні будуць прыходзіць «лісты шчасця». Колькасць скрыжаванняў з такімі магчымасцямі будуць павялічваць.
У Рэспубліканскую сістэму маніторынгу грамадскай бяспекі ўключаны новыя камеры, якія будуць аўтаматычна фіксаваць праезд на чырвоны сігнал святлафора і парушэнне правілаў руху па палосах, распавялі ў МУС.
Парушальнікі будуць аўтаматычна прыцягвацца да адказнасці.
«Ліст шчасця» накіруюць уласніку аўтамабіля поштай. Але таксама можа прыйсці СМС-паведамленне аб факце парушэння.
Аплаціць штраф можна праз сістэму АРІП або ў аддзяленні банка.