Pryjšoŭ adkaz z MUS nakont miesca znachodžańnia Mikałaja Statkieviča
U MUS adkazali adpiskaj pra miesca znachodžańnie palityka Mikałaja Statkieviča, jaki 11 vieraśnia z 50 inšymi palitviaźniami byŭ vyzvaleny ź biełaruskaj turmy, ale admoviŭsia pakidać Biełaruś.
Mikoła Statkievič na biełaruskaj miažy, 11 vieraśnia 2025 hoda
Z taho času žonka Statkieviča nie viedaje ničoha pra jaho znachodžańnie. Mikałaj nie maje asabistych rečaŭ — jany pryjechali ŭ departacyjnym aŭtobusie.
Ciapier ža rodnyja atrymali pieršy adkaz ź viedamstva — ad namieśnika ministra ŭnutranych spraŭ Hienadzia Kazakieviča. List apublikavaŭ u fejsbuku Siarhiej Sparyš, jaki sam byŭ siarod pamiłavanych palitviaźniaŭ.
«Paviedamlaju, što Statkievič M.V. adbyvaje pakarańnie zhodna z pryhavoram Homielskaha abłasnoha suda ad 14.12.2021», — paviedamlajecca ŭ dakumiencie ad 21 listapada.
«Adbyvaje pakarańnie» pa staroj kryminalnaj spravie. A jak ža «pamiłavańni»? Na jakoj padstavie vyvieźli astatnich «złačyncaŭ», kali staryja prysudy ŭ sile?» — napisaŭ Sparyš.
Dzie kankretna znachodzicca zaraz Mikałaj Statkievič — u adkazie nie paviedamlajecca.