Amal 250 ukrainskich dronaŭ atakavali poŭdzień Rasii i anieksavany Krym
U Tahanrohu troje zahinułych, u Navarasijsku jość paranienyja.
116 dronaŭ źniščyli nad akvatoryjaj Čornaha mora, 76 — nad Krasnadarskim krajem, 23 — nad Krymam, 16 — nad Rastoŭskaj vobłaściu, siem — nad Branskaj vobłaściu, pa čatyry — nad Kurskaj vobłaściu i akvatoryjaj Azoŭskaha mora, dva — nad Biełharadskaj, adzin — nad Lipieckaj.
U Tahanrohu ŭ vyniku ataki dronaŭ zahinuli try čałavieki, paviedamiŭ hubiernatar Rastoŭskaj vobłaści Juryj Ślusar. Jašče 10 žycharoŭ horada i Niaklinaŭskaha rajona vobłaści atrymali roznyja ranieńni.
Pavodle danych telehram-kanała Astra, pažar u Tahanrohu ŭźnik u rajonie ŭźlotna-pasadačnaj pałasy pobač z avijabudaŭničym pradpryjemstvam.