Pad Homielem pastavili pomnik zakinutym u Biełaruś čekistam

Niekalki tydniaŭ tamu ŭ vioscy Klapin Karmianskaha rajona adkryli pamiatny znak na miescy dziejnaści ŭ 1942 — 1943 hadach raźviedvalna-dyviersijnych atradaŭ NKVD «Druhija» (kamandziry — Kačujeŭski i Ziabnicki) i «Napierad» (kamandziry — Šamiakin i Maluhin). Na pomniku — kontury hierba KDB SSSR, źviartaje ŭvahu Biełaruski instytut publičnaj historyi.

Viadoma pra hetych ludziej niašmat. Uradženiec Dnieprapiatroŭskaj vobłaści Ukrainy Kačujeŭski byŭ zakinuty «ź vialikaj ziamli» i zahinuŭ tut. Ziabnicki «prybyŭ z Maskvy», paśla vajny viarnuŭsia ŭ Biełaruś i «pracavaŭ u orhanach dziaržbiaśpieki» Homielskaj vobłaści.

Krynica finansavańnia ŭstanoŭki pomnika nie raskryvajecca, ale, miarkujučy pa videarolikach, za hetym staić kiraŭnik TAA «KUB Studyja Hranitu» Siarhiej Ramaniuk. U siecivie jość infarmacyja, što «los pryvioŭ Siarhieja z Ukrainy ŭ Rečycu ŭ 2015 hodzie z dvuchtydniovaj kamandziroŭkaj. Ale płany źmianilisia, kali jon sustreŭ svaju budučuju žonku Juliju». Ciapier «patomny mastak pa kamieni na biazvypłatnaj asnovie vyrablaje i ramantuje pomniki na vajskovych pachavańniach».

Kamientary da artykuła