Cichanoŭskaja čakaje dobrych navin pra palitviaźniaŭ u najbližejšyja tydni
Demakratyčnaja lidarka Śviatłana Cichanoŭskaja na bryfinhu ŭ Varšavie, havoračy pra palityčnuju situacyju ŭ Biełarusi i rehijanalnuju biaśpieku, vykazała nadzieju, što ŭ najbližejšyja tydni z turmaŭ moža vyjści novaja partyja palitviaźniaŭ, paviedamlaje «Biełsat».
Śviatłana Cichanoŭskaja. Fota: Dominika Zarzycka SOPA Images LightRocket via Getty Images
«Paru dzion tamu ja razmaŭlała z Džonam Koŭłam. Mahu skazać, što my adnolkava razumiejem situacyju. Jon robić usio, kab byli vyzvalenyja palitviaźni i kab jany mahli zastacca ŭ Biełarusi.
Spadziajusia, u najbližejšyja tydni buduć dobryja naviny. My padrychtavali infrastrukturu ŭ Litvie i Polščy dla pryjomu palitviaźniaŭ», — skazała Cichanoŭskaja.
Čytajcie taksama:
«Jašče adzin pazityŭny krok Łukašenki». Džon Koŭł prakamientavaŭ vyzvaleńnie 31 ukrainca
Śviatłana Cichanoŭskaja sazvaniłasia z Džonam Koŭłam
Łukašenka sabraŭsia abmiarkoŭvać z amierykancami 5‑6 pytańniaŭ