Ціханоўская чакае добрых навін пра палітвязняў у найбліжэйшыя тыдні
Дэмакратычная лідарка Святлана Ціханоўская на брыфінгу ў Варшаве, гаворачы пра палітычную сітуацыю ў Беларусі і рэгіянальную бяспеку, выказала надзею, што ў найбліжэйшыя тыдні з турмаў можа выйсці новая партыя палітвязняў, паведамляе «Белсат».
Святлана Ціханоўская. Фота: Dominika Zarzycka SOPA Images LightRocket via Getty Images
«Пару дзён таму я размаўляла з Джонам Коўлам. Магу сказаць, што мы аднолькава разумеем сітуацыю. Ён робіць усё, каб былі вызваленыя палітвязні і каб яны маглі застацца ў Беларусі.
Спадзяюся, у найбліжэйшыя тыдні будуць добрыя навіны. Мы падрыхтавалі інфраструктуру ў Літве і Польшчы для прыёму палітвязняў», — сказала Ціханоўская.
Чытайце таксама:
«Яшчэ адзін пазітыўны крок Лукашэнкі». Джон Коўл пракаментаваў вызваленне 31 украінца