Hrodzienskamu biznesmienu, miedyku pa adukacyi, prysudzili realny termin za palityku

Siarhieju Ćvikieviču pahražała da 12 hadoŭ.

Siarhiej Ćvikievič. Fota ź jahonaj staronki ŭ telehramie

Siarhieju Ćvikieviču 44 hady. Jon z Hrodna. Miarkujučy z sacsietak, vučyŭsia ŭ Hrodzienskim dziaržaŭnym miedycynskim univiersitecie.

Mužčyna ŭsio žyćcio zajmaŭsia biznesam. U 2002 hodzie jon adkryŭ pieršaje IP. Adna sa śfieraŭ dziejnaści IP — «zdača nieruchomaści». Apošnim časam Ćvikievič byŭ dyrektaram va ŭłasnaj firmie.

U Siarhieja dvoje niepaŭnaletnich synoŭ. Mužčyna buduje dom i niadaŭna kupiŭ novy kitajski krasovier. Taksama jon lubić aktyŭny adpačynak — niezadoŭha da zatrymańnia jeździŭ z synam na adpačynak u Elbrus, a paśla kataŭsia z hor u Siličach.

Siarhiej z synam u Siličach 22 lutaha 2025 hoda. Fota ź jahonaha tyktoka

Siarhieja Ćvikieviča zatrymali naprykancy lutaha ci ŭ pačatku sakavika 2025 hoda.

Jaho asudzili ŭ Hrodzienskim abłasnym sudzie pavodle dvuch artykułaŭ — «zakliki da pryčynieńnia škody Biełarusi» (č. 3 art. 361 KK) i «raspalvańnie varožaści» (č. 1 art. 130 KK).

Prysud Siarhieju ŭstupiŭ u siłu ŭ listapadzie 2025 hoda. Sutnaść abvinavačańniaŭ nieviadomaja, jak i dakładny prysud. Ale ciapier Ćvikievič za kratami.

Kamientary da artykuła