Гродзенскаму бізнэсмену, медыку па адукацыі, прысудзілі рэальны тэрмін за палітыку
Сяргею Цвікевічу пагражала да 12 гадоў.
Сяргей Цвікевіч. Фота з ягонай старонкі ў тэлеграме
Сяргею Цвікевічу 44 гады. Ён з Гродна. Мяркуючы з сацсетак, вучыўся ў Гродзенскім дзяржаўным медыцынскім універсітэце.
Мужчына ўсё жыццё займаўся бізнэсам. У 2002 годзе ён адкрыў першае ІП. Адна са сфераў дзейнасці ІП — «здача нерухомасці». Апошнім часам Цвікевіч быў дырэктарам ва ўласнай фірме.
У Сяргея двое непаўналетніх сыноў. Мужчына будуе дом і нядаўна купіў новы кітайскі красовер. Таксама ён любіць актыўны адпачынак — незадоўга да затрымання ездзіў з сынам на адпачынак у Эльбрус, а пасля катаўся з гор у Сілічах.
Сяргей з сынам у Сілічах 22 лютага 2025 года. Фота з ягонага тыктока
Сяргея Цвікевіча затрымалі напрыканцы лютага ці ў пачатку сакавіка 2025 года.
Яго асудзілі ў Гродзенскім абласным судзе паводле двух артыкулаў — «заклікі да прычынення шкоды Беларусі» (ч. 3 арт. 361 КК) і «распальванне варожасці» (ч. 1 арт. 130 КК).
Прысуд Сяргею ўступіў у сілу ў лістападзе 2025 года. Сутнасць абвінавачанняў невядомая, як і дакладны прысуд. Але цяпер Цвікевіч за кратамі.
Чытайце таксама:
Тлумачым, якім чынам сілавікі знаходзяць карыстальнікаў Telegram і як гэтага пазбегнуць
Рабочага з Мікашэвічаў асудзілі па чатырох палітычных артыкулах і назвалі «тэрарыстам»
65‑гадовай пенсіянерцы з Мінска прысудзілі чатыры гады за каментары ў інтэрнэце