U Bierazinie mužčyna z nažom napaŭ na milicyjaniera i ŭciok u les
Uviečary 22 listapada ŭ Bierazinie adbyłosia napadzieńnie z nažom na supracoŭnika milicyi. Na miesca vyjechaŭ ministr Ivan Kubrakoŭ z AMAPam i «Ałmazam».
Vasil Malik
Uviečary 22 listapada ŭ Bierazinie narad milicyi, jaki prybyŭ na vyklik, zaŭvažyŭ na vulicy mužčynu, jaki padychodziŭ pad prykmiety padazravanaha, piša MUS. Padčas pravierki dakumientaŭ mužčyna raptam dastaŭ nož i nanios milicyjanieru niekalki ŭdaraŭ. Paśla hetaha jon źbieh u les.
Na pošuki jaho kinuli siły miascovaha RAUS, UUS Minabłvykankama, AMAPa i śpiecpadraździaleńnia «Ałmaz». Na miesca zdareńnia vyjechaŭ ministr unutranych spraŭ Ivan Kubrakoŭ.
Paciarpiełaha milicyjanta dastavili ŭ Respublikanski špital MUS.
Siońnia kala 14:30 pošuki zaviaršylisia. Mužčyna byŭ znojdzieny ŭ lasnym masivie.
Jak paviedamlała MUS, abviaščajučy rosšuk, heta 47‑hadovy miascovy žychar Vasil Malik.
Pry zatrymańni, śćviardžaje milicyja, jon akazaŭ supraciŭ i pajšoŭ na milicyjaniera z nažom. U jaho stralali.
Pra stan mužčyny nie paviedamlajecca. MUS piša, što jamu akazvajecca miedycynskaja dapamoha.