U minskaj Čyžoŭcy zahinuła 11‑hadovaja dziaŭčynka. Jana ŭpała z vyšyni
U siecivie źjaviłasia infarmacyja, što kala šmatpaviarchovika pa minskaj vulicy Aŭezava 22 listapada znajšli trup školnicy. Infarmacyju ahienctvu «Minsk-Naviny» paćvierdziŭ Śledčy kamitet.
Dom na vulicy Aŭezava, 4. Fota: megapolis-real.by
«Z Aŭezava, 4, nikoha niama? Pišuć, maŭlaŭ, dzicia 12‑14 hadoŭ raźbiłasia naśmierć», — zapytaŭ karystalnik u rajonnym čacie i atrymaŭ paćviardžeńnie čutak ad inšaha kamientatara. Taksama vykazali zdahadku, što zahinułaja ź inšaha doma i ździejśniła suicyd.
Va Upraŭleńni Śledčaha kamiteta pa horadzie Minsku paćvierdzili fakt zdareńnia, adnak pra pryčyny i abstaviny kazać admovilisia:
«Pavodle danych śledstva, dniom 22 listapada z prykmietami padzieńnia z vyšyni kala doma № 4 pa vulicy Aŭezava ŭ Minsku znojdzienaje cieła 11‑hadovaj dziaŭčynki. Ciapier na miescy zdareńnia pracuje śledča-apieratyŭnaja hrupa. Vyśviatlajucca ŭsie abstaviny i pryčyny taho, što adbyłosia».
Čytajcie taksama:
Kala Muzieja Vialikaj Ajčynnaj vajny ŭ Minsku znajšli trup
U Minsku rasśledujuć dva vypadki hibieli ludziej za adzin dzień