U Smalavičach i Salihorsku žychary vyklikali ratavalnikaŭ na kažanoŭ

U Salihorsku i Smalavičach žychary kvater sutyknulisia ź niečakanymi «susiedziami». U ich pamiaškańni niejkim čynam trapili kažany, tamu ludzi źviarnulisia pa dapamohu da MNS.

Skrynšot videa

U Salihorsku haspadynia adnoj z kvater zaŭvažyła kažana na svaim bałkonie. Žyviolina, vidać, zalacieła tudy vypadkova i nie mahła samastojna vybracca. Padazrajučy, što samastojna spravicca z hetym nie zmoža, žančyna patelefanavała ratavalnikam.

Padobnaja situacyja zdaryłasia i ŭ Smalavičach — na vulicy Biełarečanskaj adzin z žycharoŭ taksama ŭbačyŭ, što ŭ kvateru zalacieŭ kažan. Žychary kvatery spałochalisia i vyklikali śpiecyjalistaŭ.

Ratavalniki apieratyŭna prybyli na abodva vykliki. Kab nie naškodzić žyviołam i harantavać biaśpieku ludziej, jany aściarožna złavili kažanoŭ i vypuścili ich na vulicu. U MNS adznačyli, što takija vypadki ŭ mižsiezońnie zdarajucca niaredka — kažany mohuć traplać u žyłyja pamiaškańni praz adkrytyja vokny abo bałkony, asabliva ŭviečary.

Žyviołam ničoha nie pahražaje — paśla vyzvaleńnia jany samastojna raźlatajucca. Ratavalniki nahadvajuć: u vypadku, kali ŭ kvateru traplaje dzikaja žyviolina ci ptuška, lepš nie sprabavać złavić ich samomu, a źviarnucca ŭ słužby vyratavańnia.

Kamientary da artykuła