Jeŭrapiejcy adchilili płan Trampa pa Ukrainie ŭ jaho ciapierašnim vyhladzie
Hiermanija i inšyja viadučyja sajuźniki Ukrainy ź Jeŭropy adchilajuć amierykanski płan spynieńnia vajny ŭ jaho ciapierašnim vyhladzie. Choć biahučy prajekt i ŭjaŭlaje saboj asnovu ŭrehulavańnia, nad płanam nieabchodna praciahvać pracu, havorycca ŭ zajavie, apublikavanaj paśla ekstrannaj sustrečy na palach samitu G20 u Paŭdniova-Afrykanskaj Respublicy.
Premjer-ministr Vialikabrytanii Kir Starmier, prezident Francyi Emanuel Makron, fiederalny kancler Hiermanii Frydrych Mierc. Fota: Suzanne Plunkett, Pool Photo via AP
Pradstaŭniki viadučych jeŭrapiejskich dziaržaŭ majuć namier u niadzielu, 23 listapada, abmierkavać z ZŠA i Ukrainaj amierykanski mirny płan.
«My ličym, što hety prajekt źjaŭlajecca asnovaj, jakaja zapatrabuje dadatkovaj pracy… My vyrazna prytrymlivajemsia pryncypu, što miežy nie pavinny źmianiacca siłaj. My taksama zaniepakojenyja prapanavanymi abmiežavańniami Uzbrojenych sił Ukrainy, što zrobić Ukrainu ŭraźlivaj da budučych napadaŭ», — havorycca ŭ zajavie lidaraŭ klučavych krain Jeŭrasajuza, a taksama Kanady i Japonii.
Jak paćvierdzili niamieckamu ahienctvu DPA va ŭradavych kołach Hiermanii, sustreča projdzie ŭ Ženievie.
Čytajcie taksama:
Tramp pryznačyŭ novaha śpiecpradstaŭnika pa Ukrainie
Tramp: U nas jość płan, Zialenskamu ŭ peŭny momant daviadziecca niešta pryniać
U Jeŭropie aburanyja namieram Trampa nahreć ruki na zamarožanych ES rasijskich aktyvach
Tramp upeŭnieny, što Ukraina chutka stracić Danbas. Ale inšym tryvožycca niama čaho
Pucin atrymaŭ płan Trampa, ale nastrojeny praciahvać vajavać