Ejsmant: Dvuch katalickich śviataroŭ pamiłavali pa prośbie Papy Lva XIV

Dvuch katalickich śviataroŭ Andžeja Juchnieviča i Hienrycha Akałatoviča pamiłavali pa prośbie papy rymskaha Lva XIV. Takuju zajavu zrabiła pres-sakratar Łukašenki Natalla Ejsmant.

Papa Leŭ XIV. Fota: Franco Origlia / Getty Images

Łukašenka pamiłavaŭ ich u čaćvier, 20 listapada. Rašeńnie pryniali, pa jaje słovach, u ramkach žestu dobraj voli i uličvajučy stan zdaroŭja asudžanych.

U Biełarusi taksama raźličvajuć na raźvićcio adnosin našaj krainy sa Śviatym Pasadam.

Kardynał, były papski pasłańnik u Biełarusi Kłaŭdya Hudžeroci skazaŭ, što Łukašenka zacikaŭleny ŭ vizicie novaha Papy ŭ Biełaruś.

«Łukašenka zapeŭniŭ mianie, što, na jaho pohlad, vizit Papy pajšoŭ by na karyść biełaruskamu narodu i što jon zrobić usio mahčymaje, kab heta adbyłosia. Takim čynam, jość sapraŭdny intares. Vidavočna, patrabujecca pasrednictva i abmierkavańnie: jak heta budzie adbyvacca, ciažka prydumać zvonku.

Papa nikoli nie pajedzie ŭ miesca, dzie jaho pryjezd stvoryć padzieł. Heta śviaty pryncyp: Papa jedzie tudy, dzie narod moža atrymać karyść, a nie dla taho, kab raspalvać supraćstajańnie [raniej ličyłasia, što Papa nie moža naviedvać krainy pad jurysdykcyjaj RPC — NN]. Treba stvaryć umovy, kab usie byli pierakananyja ŭ abjektyŭnaj kaštoŭnaści vizitu na karyść naroda, a nie dla niejkaj adnoj «zvanicy». Heta praca, jakuju treba zrabić. Ci budzie pośpiech adrazu ci zaŭtra? My nie viedajem», — skazaŭ kardynał.

Kamientary da artykuła